Selección de Queixos

 Inicio / Selección de Queixos
Compartir:

Queixos de Primavera

É tempo de Gorgonzola Dolce Extra Cremoso, de Valençay, de L'Etivaz, de Carbonero, de Crottin de Chavignol e un longo etcétera... Non quededes sen probalos!!    

E diredes vós... que é iso de “Queixos de primavera”?

Loxicamente hai queixo durante todo o ano, sen embargo moitos produtores esperan a esta estación para elaborar queixos deliciosos.  

Por que??
En primavera nacen pastos que non hai durante o resto do ano, estes pastos son cos que se alimentan os animais e trasladan o seu leite todos os matices e riqueza destas herbas e flores, ademais de sabores imposibles de atopar nos queixos de inverno.  
É o momento, por exemplo, dos queixos de cabra. A cabra só produce leite cando está en período de reprodución, o resto do ano atópase en paro biolóxico. Nos meses de febreiro a xullo aproximadamente, a cabra produce leite para alimentar as súas crías, este leite é o que os queixeiros utilizan para elaborar queixos únicos.   Pero non só a cabra. A vaca e a ovella tamén producen un leite de gran calidade neste tempo pola riqueza dos pastos. A primavera favorece a produción dun leite máis rico en graxas e mesmo en azucres.  

Queixos de Primavera 2018:

- Gorgonzola Dolce Extra Cremoso (Italia)  Leite pasteurizado de vaca. 6 meses de maduración  
- L´Etivaz (Suíza) Leite cru de vaca. 16 meses de maduración  
- Crottin de Chavignol (Francia) Leite cru de cabra. 30 días de maduración  
- Valençay (Francia) Leite cru de cabra. 5 semanas de maduración  
- Terra de Airas Moniz (Galicia) Leite cru de vaca Jersey. 4 semanas de maduración  
- Bleu d´Auvergne (Francia) Leche cru de vaca. 2 meses de maduración  
- St. Marcellin de Chevre (Francia) Leite cru de cabra. 28 días de maduración  
- Carbonero (Extremadura) Leite cru de cabra. 30 días de maduración

© CasAlexo | Rúa Pardo Baixo, 15, 15403 Ferrol, Galicia, Spain - | T: +34 981 354 053 | info@casalexo.comAviso legal